Samariaid lleol yn rhoi sgwrs pecyn cymorth i Glwb Rygbi’r Dreigiau

Dysgodd sêr Clwb Rygbi’r Dreigiau sut i gysylltu â’u hiechyd meddwl a lles yr wythnos hon cyn gêm gartref olaf y tymor y dydd Sadwrn hwn.

Cyflwynodd Chris a Jay, gwirfoddolwyr gwrando Samariaid Casnewydd a Gwent, sgwrs pecyn cymorth craff i chwaraewyr a staff Clwb Rygbi’r Dreigiau ar ôl eu sesiwn hyfforddi bore Llun yn Ystrad Mynach sy’n codi ymwybyddiaeth am siarad ag eraill.

Pwysleisiant y ffaith nad yw bod yno i’w gilydd yn rhywbeth sy’n digwydd ar y maes chwarae yn unig, ond i ffwrdd ohono hefyd, ac y gall fynd ymhell i atal hunanladdiad yn y dyfodol.

Dywedodd pennaeth allgymorth Samariaid Casnewydd Jay, yn ei sgwrs “Mae athletwyr proffesiynol yn dioddef llawer mwy o bwysedd meddyliol oherwydd gwahanol ffactorau fel gosod disgwyliadau uchel tu hwnt a wynebu beirniadaeth ar y cyfryngau cymdeithasol ar ben y pwysau bob dydd mae pawb arall yn eu hwynebu.”

Mae Samariaid Cymru yn noddi’r ornest nesaf rhwng Clwb Rygbi’r Dreigiau a Connacht (dydd Sadwrn 4 Mawrth).

Nod yr elusen atal hunanladdiad yw codi mwy o ymwybyddiaeth am yr elusen a’r gwasanaethau a ddarperir ganddi, yn enwedig y llinell gymorth 24 awr, 116 123, neu'r llinell Gymraeg (ar agor rhwng 7pm a 11pm) ar 0808 164 0123.

Dywedodd Neil Ingham, Cyfarwyddwr Gweithredol Samariaid Cymru “Hunanladdiad yw prif achos marwolaethau ymysg dynion dan 50 yng Nghymru.”

Felly fel sefydliad sydd wedi ymrwymo i leihau nifer y marwolaethau trwy hunanladdiad, roedd gweithio mewn partneriaeth â Chlwb Rygbi’r Dreigiau yn golygu y gallem estyn allan at fwy o ddynion yng Nghymru.”

Dywedodd prif hyfforddwr Clwb Rygbi’r Dreigiau Dai Flannagan “Roedd yn wych i groesawu Samariaid Casnewydd a Gwent i’n canolfan hyfforddi i gyflwyno sesiwn llawn gwybodaeth ac sy’n ysgogi’r meddwl gyda’r sgwad chwaraewyr, a dysgu mwy am y gwaith allweddol maen nhw’n ei wneud.

“Diolch iddyn nhw hefyd am noddi’r gêm ar ddydd Sadwrn pan fydd ein cefnogwyr yn dysgu mwy am waith hollbwysig yr elusen atal hunanladdiad.”